Urriaren 2an, Untzaga plazan, 10:00etatik 14:00etara
Datorren larunbatean, urriak 2, izango da Eibarko X. azoka ekologikoa Biolur Elkarteak, Eibarko Udalak eta Landaolak antolatuta, Gipuzkoako Foru Aldundiaren, Nekazaritza eta Elikadura Ekologikoaren Kontseiluaren eta Eusko Jaurlaritzaren laguntzarekin. Azoka Untzaga plazan antolatuko dute, goizeko 10:00etatik 14:00etara.
Azoka honetan, ekologikoan aritzen diren 20 bat ekoizle hurbilduko zaizkigu askotariko produktuak zuzenean eskaintzen: pasta, ogia, gozoak, gazta, arropa, barazkiak, baratxuriak, kontserbak, fruta… Dena era ekologikoan egina eta ekoizleen eskutik jasoa.
Ekologikoaren garrantzia
Azoka honetara eramango diren produktu guztiak modu ekologikoan ekoitziak dira; horrek esan nahi du natura, animalia eta gizakien eta osasuna eta etorkizunarekiko errespetuz eta inolako kalterik eragin gabe ekoizten direla. Ekoizpen ekologikoak, gainera, hainbat abantaila ditu gure osasuna ez ezik ingurumena eta zaintzen duelako eta, hartara, hurrengo belaunaldiei ere bermatu egiten zaie lurraren emankortasuna.
Parte hartzaileak
Pasta Martinelli – Pasta
Leire Albisu – Ogia, gozoak
Nelly Cozares – Barazkiak
Jon Gatz Museoa – Gatza
Sosola – Ardi-gazta eta ogia
Aikur – Eztia
Aitor Bastarrika – Jantzi ekologikoak
Pikunieta – Ardi-gazta
Bego Villar – Marmeladak, kontserbak
Doniene berri – Barazkiak
Pello – Barazkiak
Amaia Laskurain – Gazta
Haristizabal – Ogia, fruta
Ecoprado – Baratxuriak, lekaleak
Aleka – Haziak
Beñat Telleria – Gazta
Conservas Garavilla – Arrain kontserbak
Biolur – informazioa
Aza ta porrua – kontsumo elkartea informazioa
Gutizia ekologikoen ibilbidea
Aurten bigarren aldiz antolatu dute Gutizia Ekologikoen Ibilbidea izenekoa Eibarko tabernetan. «Ekimen honekin, ostalaritzarekin zubiak eraiki eta baserritarren produktuak ikusaraziz haiek balioan jarri nahi ditugu» azaldu dute antolatzaileek. Hortaz, Eibarko hamar tabernarik eskualdeko ekoizle ekologikoen produktuekin eta sagardoarekin osatutako gutizia bat prestatuko dute, eta 2na euroan salduko dute. Horren bidez, ostalaritzaren eta ekoizleen arteko elkarlana sustatu nahi da eta tabernetara hurbiltzean, pintxoen osagaiak norenak diren ere ikusi ahal izango da.
Gutizia ekologikoen ibilbidea honako taberna hauetan osatu ahal izango da: Baratze Gourmet, Kontent, Slow, Birjiñape Berria, Koskor, Trinkete, Chic, Kultu, Batzoki, Kili Kili.