Euskadin elikagai ekologikoak kontrolatu, ziurtatu eta sustatzeaz arduratzen den erakunde gara. Kontrol Agintearen funtzio publikoa betetzen dugu Euskadiko lurraldean.

Nekazaritza- eta abeltzaintza-ekoizpen ekologikoa Europako araudi batek arautzen du (CE) 848/2018 Erregelamenduak. Araudi horrek ekoizpenari eta etiketatzeari buruzko arauak ezartzen ditu, bai eta produktu horiek ekoizpenetik hasi eta kontsumitzailarengana heldu arte nola kontrolatu behar diren ere.

Kontseilua, Euskadiko nekazal ekoizpenaren eragile-erregistroan izena emandako empresa eta pertsona orok osatzen dute. Hauek, Batzarrean bildu eta Kontseilua osatzen duten ekoizle, elaboratzaile, inportatzaile eta merkaturatze enpresen batzordekideen bitartez ordezkatuta daude.

Kontseiluaren egungo konfigurazioarekin, Euskadiko nekazaritza ekologikoaren lurralde elkarte guztiak ordezkatuta daude eta haiekin modu koordinatuan lan egiten da.

• Nekazaritzako produktu eta elikagai ekologikoak kontrolatu eta egiaztatzea.
• Arau-urraketak zigortzeko ahalmena erabiltzea, 2006ko 10/Legean aurreikusitako baldintzen arabera.
• Euskadiko Autonomia Erkidegoko administrazio orokorraren nekazaritza arloko departamentu egokirako aurkezteko eta Eusko Jaurlariko Aldizkari Ofizialean argitaratzeko, nekazaritza ekologikoaren ekoizpenari buruzko arau teknikoen taula eta barne-erregimenerako araudia prestatu eta proposatzea, zeinak, besteak beste, langile propioa eta ondarea arautuko dituen.
• Ekoizpen ekologikoko sistemen ezagutza eta aplikazioa jakinaraztea, baita ekoizpen ekologikoaren bidez lortzen diren elikagaiena ere.
• Euskal Autonomia Erkidegoko Administrazio orokorrean nekazaritzaren arloko eskumenak dituen sailari ekoizpen ekologikoaren inguruko proposamen eta jarraibideak ematea.
• Produktuetakoren bat ekoitzi, landu, biltegiratu, merkaturatu edo beste herrialde batzuetatik inportatzearen inguruan aldaketaren bat sortzen bada, horren berri ematea Euskal Autonomia Erkidegoko Administrazio orokorrean nekazaritzaren arloko eskumenak dituen sailari.

• Euskadiko Autonomia Erkidegoko administrazio orokorraren nekazaritza arloko ardura duen departamentuari jakinaraztea zein pertsonak arduratuko diren lehendakaritza eta lehendakariorde karguak betetzeaz, hauen kargua izendatzeko.
• Bere eginkizunak aurrera eramateko langileak hautatu, kontratatu, kargutik kendu edo karguan berrestea.
• Kontseiluko kide bihurtzen diren eragileek urtero ordaindu beharko duten kuota zehaztea.
• Nekazaritzako eta elikadurako elikagai ekologikoak kontsumoa sustatzea eta horien berri ematea.
• Eragileen erregistroa kudeatzea.
• Kontseiluaren aurrekontuko diru-sarrerak eta – irteerak kudeatzea.

Aurreko paragrafoetan zehaztutako eginkizunak dena delakoak izanik ere, Nekazaritza eta Elikadura Ekologikoaren Kontseiluaren eginkizuna izango da bertako kideei zerbitzua eskaintzea, beren jardunerako behar dituzten lan-aholkuak ere barne, eta beren interes ekonomiko eta korporatiboak defendatzea. Ongi bereizi behar dira kudeaketako eginkizunak eta nekazaritzako produktu eta elikagaien kontrola eta egiaztatzea.

Euskadiko Nekazaritza eta Elikadura Ekologikoaren Kontseiluaren egoitza Amorebieta-Etxanoko (Bizkaia) Jauregibarria baserrian dago. Eraikin aparta hau XVIII. mendean eraiki zen, eta izen bereko parkean kokatua dago, Amorebieta-Etxanoko sarreran, Durangotik etorrita. Udalaren jabegokoa da, eta Kontseiluak 15 urteko lagapen-akordio bat dauka lehenengo solairuaren erabilerarako.