Baditugu gure lurraldean ekoizleen zenbait elkarte, ekologikoan diharduten baserritarrei laguntza eskaintzen dietenak eta baita elikagai ekologikoen sustapena egiten dutenak ere (azokak antolatuz, dibulgaziorako jardunaldien bitartez, topaketa teknikoen bidez…).

Bestalde, elkarte horietako batzuek ekoizpen ekologikoari buruzko aholkularitza teknikoa ere ematen dute, hau ez  baita Ekolurraren betebeharra.

Ondoren, elkarteen zerrenda ikus dezakezu:

Ekokontsumo Federazioa, kontsumo ekologikoaren eta arduratsuaren  elkarteen euskal federazioa da. Gaur egun, federazio honek Euskadiko 5 elkarte eta Nafarroako elkarte bat biltzen ditu, gutxi gorabehera, 1.700 familiaren  ordezkaritza dauka. Ekokontsumo Kontseiluko parte da, eta kontsumo ekologikoaren eta arduratsuaren alde hainbat ekintza (azokak, jardunaldiak, hitzaldiak) aurrera eramaten ditu.

Ekokontsumo Federazioaren parte diren elkarteak

INTERECO irabazi asmorik gabeko elkarte bat da, Nekazaritza Ekologikoaren Kontrolerako Agintaritza Publikoak biltzen dituena, hau da, autonomia-erkidegoetako nekazaritza ekologikoaren batzordeak/kontseiluak, nekazaritza ekologikotik datozen produktuak kontrolatu, sustatu eta ziurtatzeaz arduratzen den erakunde publikoa da.

Eusko Jaurlaritzaren Ekonomiaren Garapen, Jasangarritasun eta Ingurumen Saileko Elikagaien Osasun Zuzendaritza da nekazaritza ekologikoaren gaietan eskumena duen agintaritza. Edozein modutara, Kontseiluak kudeaketa, kontrol eta sustapen lanetan erabateko eskumena du, Eusko Legebiltzarrak 2006 urtean Euskadiko Nekazaritza eta Elikadura Ekologikoari buruzko 10/2006 Legean horrela adostuta.

Administrazioen arteko lan honen adibide argia Nekazaritza Ekologikoaren Sustapenerako Plana (FOPE) 2020-2023 da. Plan honen helburuak ekoizpen ekologikoa handitzea, eraldaketaren eta merkaturatzearen sareak garatzea eta bertoko produktu ekologikoen eskaria handitzea dira. Eusko Jaurlaritzaren, Neiker, Hazi eta kontseiluaren arteko elkarlanetik abiatu da plana.