Abuztuaren 16tik  irailaren 4ra Bilbon, Itsasmuseum Museoaren aurrean, Kontseiluak antolatutako “Elikadura ekologikoarekin dena hobetzen da” erakusketa izango duzue 18:00etatik 21:00etara. Erakusketarako bisita amaitutakoan, galdetegi labur bat betetzeko aukera eskainiko dizuete, eta inkesta betetzen duzuenok produktu ekologikoekin egindako pintxo bat doan dastatu ahal izango duzue terrazako tabernan bertan: Serrats enpresako produktuak, Ibarra baserriko barazkiak eta Bizkaiganeko ardi gazta. Animatu eta parte hartu!